YAXIN 2 GÜNDƏ HAVA YAĞMURSUZ KEÇƏCƏKDİR
Bakı, 11 iyun (AZƏRTAC). Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, iyunun 12-də Bakıda və Abşeron yarımadasında hava şəraitinin az buludlu, yağmursuz keçəcəyi gözlənilir. Havanın temperaturu gecə 21-25 dərəcə, gündüz 31-35 dərəcə təşkil edəcəkdir.
İyun 13-də hava şəraitinin dəyişkən buludlu, yağmursuz keçəcəyi gözlənilir. Havanın temperaturu gecə 20-24 dərəcə isti, gündüz 30-34 dərəcə isti olacaqdır.
Azərbaycanın rayonlarında iyunun 12-13-də hava şəraitinin gün ərzində yağmursuz keçəcəyi, səhər bəzi yerlərdə zəif duman olacağı, lakin gecə saatlarında bəzi dağlıq və dağətəyi rayonlarda şimşək çaxacağı, qısamüddətli yağış yağacağı gözlənilir. Yağıntıların bəzi yerlərdə lokal leysan xarakterli olacağı ehtimalı var.
Havanın temperaturu gecə 20-25 dərəcə, gündüz 32-37 dərəcə, dağlarda gecə 11-16 dərəcə, gündüz 23-28 dərəcə təşkil edəcəkdir.
Yaxın 2 gün ərzində Abşeron yarımadasında sabit hava şəraiti meteohəssas insanlar üçün müsbət amil olsa da, gündüz saatlarında müşahidə olunacaq qızmar hava meteohəssas insanlar üçün əlverişsizdir.
Bölmənin digər xəbərləri
