YAXIN 3 GÜN ƏRZİNDƏ HAVA ƏSASƏN YAĞMURSUZ KEÇƏCƏKDİR
Bakı, 4 iyun (AZƏRTAC). Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, Bakıda və Abşeron yarımadasında iyunun 5-də hava şəraitinin az buludlu olacağı, yağmursuz keçəcəyi gözlənilir. Havanın temperaturu gecə 20-24 dərəcə, gündüz 31-35 dərəcə təşkil edəcəkdir.
İyunun 6-da hava şəraitinin dəyişkən buludlu, yağmursuz keçəcəyi gözlənilir. Havanın temperaturu gecə 20-24 dərəcə, gündüz 28-31 dərəcə olacaqdır.
İyunun 7-də hava şəraitinin dəyişkən buludlu, əsasən yağmursuz keçəcəyi gözlənilir. Havanın temperaturu gecə 19-22 dərəcə, gündüz 29-32 dərəcə təşkil edəcəkdir.
Azərbaycanın rayonlarında iyunun 5-də hava şəraitinin əsasən yağmursuz keçəcəyi, səhər ayrı-ayrı yerlərdə duman olacağı, lakin axşam bəzi dağlıq ərazilərdə şimşək çaxacağı, lokal qısamüddətli yağış yağacağı gözlənilir. Havanın temperaturu gecə 19-24 dərəcə, gündüz 32-37 dərəcə, dağlarda gecə 12-17, gündüz 23-28 dərəcə təşkil edəcəkdir.
İyunun 6-7-də hava şəraitinin əsasən yağmuruz keçəcəyi, səhər ayrı-ayrı yerlərdə duman olacağı, lakin gecə və axşam bəzi dağlıq və dağətəyi rayonlarda şimşək çaxacağı, lokal qısamüddətli yağış yağacağı gözlənilir. Havanın temperaturu gecə 18-23 dərəcə, gündüz 28-33 dərəcə, dağlarda gecə 10-15 dərəcə, gündüz 20-25 dərəcə olacaqdır.
Bölmənin digər xəbərləri
