“Yeni təmayül məktəb” layihəsinin coğrafiyası genişləndirilir
Bakı, 25 iyun, AZƏRTAC
2025/2026-cı tədris ili ərzində “Yeni təmayül məktəb” layihəsi ölkənin 13 şəhərində yerləşən 14 ümumi təhsil müəssisəsində pilot qaydada uğurla həyata keçirilib.
Elm və Təhsil Nazirliyindən AZƏRTAC-a bildirilib ki, layihəyə 1500-dən çox X və XI sinif şagirdi, eləcə də 263 müəllim cəlb olunub. Növbəti tədris ilində layihənin əhatə dairəsinin genişləndirilməsi nəzərdə tutulur.
Qeyd edək ki, modelin tətbiqində əsas məqsəd müvafiq siniflərdə təhsil alan şagirdlərə onların meyil, maraq və qabiliyyətlərinə uyğun istiqamətlər üzrə dərinləşdirilmiş və sistemli biliklərin verilməsi, müasir əmək bazarının tələblərinə uyğun bacarıqların formalaşdırılması və yüksək akademik hazırlığın təmin edilməsidir.
Bölmənin digər xəbərləri
