Yeni Zelandiya müdafiə xərclərini ÜDM-in 2 faizinə çatdırmaq niyyətindədir
Bakı, 7 aprel, AZƏRTAC
Dünyada sürətlə artan gərginlik fonunda Yeni Zelandiya hökuməti bu gün növbəti dörd il ərzində müdafiə xərclərini 5 milyard dollar artıracağını və qarşıdakı səkkiz il ərzində xərcləri təxminən iki dəfə artıraraq ÜDM-in 2 faizinə çatdırmağı hədəflədiyini bildirib.
AZƏRTAC xəbər verir ki, bunu müdafiə xərclərini artırmağa çağıran Baş nazir Kristofer Lukson deyib.
O, Müdafiə Qabiliyyət Planının təqdimatı ilə bağlı mətbuat konfransında bildirilib: “Yeni Zelandiya və dünyadakı müttəfiqlərimiz, tərəfdaşlarımız artıq əlverişli mühitdə deyillər”.
Müdafiə Qabiliyyət Planı bunu təkmilləşdirmək üçün növbəti dörd il ərzində 5 milyard dollar yeni maliyyə vəsaitinin ayrılmasını nəzərdə tutur və may ayında elan ediləcək əsas xərclərin üstünə gəlir. Plan müdafiə qüvvələrinin növbəti dörd il ərzində zərbə imkanlarının artırılmasını, pilotsuz uçuş sisteminin alınmasını, helikopterlərin dəyişdirilməsi və freqatların xidmət müddətinin uzadılması kimi layihələrə sərmayə qoymasını ehtiva edir.
Bölmənin digər xəbərləri
