YER KÜRƏSİNDƏ MAQNİT QASIRĞASI BAŞ VERMİŞDİR
Bakı, 30 iyun (AZƏRTAC). İyunun 30-da Yer kürəsində Günəş küləyinin güclənməsi, Günəşdən yüklü hissələrin axını ilə müşayiət olunan maqnit qasırğası baş vermişdir. Bu barədə məlumat Amerikanın Milli Atmosfer və Okean Tədqiqatları İdarəsi tərəfindən yayılmışdır.
Geomaqnit qasırğalar Günəş atmosferindən ionlaşmış hissəciklərin güclü tullanması nəticəsində baş verən Yer kürəsinin maqnit sahəsinin güclü coşmasıdır.
Maqnit qasırğası gecədən keçmiş Yer kürəsinin maqnit sahəsinin titrəməsi səviyyəsini əks etdirən Kr indeksi dördə çatdığı vaxt başlanmış, Bakı vaxtı ilə saat 4-də isə minimal səviyyə 5 olmuşdur. Mütəxəssislər bunun kosmik iqlim üzrə maqnit qasırğası olduğunu bildirirlər.
Maqnit qasırğası 3 saata yaxın davam etmişdir və hazırda maqnit fəallığının indeksi 4 səviyyəsinə enmişdir.
Bölmənin digər xəbərləri
