YERİN TƏKİNDƏ ÖLÜ ZONA TAPILMIŞDIR

16.12.2005 [19:55]
Çap et
A⁺ A^-

Ötən il baş vermiş və yüz minlərlə adamın ölümünə, planetimizin oxunun yerdəyişməsinə səbəb olmuş güclü sunaminin nəticələri insanları hələ də heyrətə gətirir. Sunami doğuran zəlzələnin mərkəzində, təqribən 4 kilometr dərinlikdə ölü zona aşkar edilmişdir. AZƏRTAC xarici KİV-lərə istinadla xəbər verir ki, bu rayonda aparılmış ilk elmi ekspedisiya orada bir dənə də olsun fauna nümunəsi tapmamışdır. Dəniz sakinlərinin siyahıya alınmasında iştirak edən Britaniya alimləri sualtı qayıqdakı robotun köməyi ilə 11 saat ərzində dənizin dərinliyində baş verənləri müşahidə etmişlər.

Tədqiqatçılar bir tektonik tavanın digəri ilə birləşdiyi yerdə 200 metrlik xəndəyin ətrafında heç bir həyat əlaməti tapmadıqda çox təəccüblənmişlər. Sualtı müşahidələrin aparıldığı son 25 il ərzində bu, ilk belə hadisədir.

Xoşbəxtlikdən, Dünya okeanının qalan hissəsində həyat qaynayır. Müşahidələr zamanı, xüsusilə uzaq rayonlarda, canlıların daim çoxlu yeni növləri aşkar edilir.

Okean biocoğrafi informasiya sisteminin beynəlxalq məlumatlar bazasına dəniz heyvanlarının 40 mindən çox növü, o cümlədən adları oraya bu il salınmış 78 balıq növü daxil edilmişdir.

YERİN TƏKİNDƏ ÖLÜ ZONA TAPILMIŞDIR

MÜƏLLİFLƏ ƏLAQƏ

Bölmənin digər xəbərləri