Yerləşdirmə obyektlərinin fəaliyyəti dayandırılmışdır
Bakı, 22 oktyabr (AZƏRTAC). Mədəniyyət və Turizm Nazirliyi Azərbaycan Respublikası Prezidentinin 2002-ci il 2 sentyabr tarixli Fərmanı ilə təsdiq edilmiş “Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında Qaydalar”ın 5.4.5. bəndini rəhbər tutaraq, həmçinin nazirliyin kollegiyasının müvafiq qərarını əsas götürərək nazirlik tərəfindən Qəbələ rayonunun Nohurqışlaq kəndi ərazisində fəaliyyət göstərən “Sahil” istirahət mərkəzi və Lənkəran şəhəri, Qala Xiyabanı, ev 11 ünvanında yerləşən “Xəzər” mehmanxanasına verilmiş xüsusi razılığı (lisenziyanı) ləğv etmişdir.
Nazirliyin mətbuat xidmətindən AZƏRTAC-a bildirmişlər ki, bununla əlaqədar yuxarıda qeyd olunan yerləşdirmə obyektlərinin fəaliyyəti oktyabrın 18-dən etibarən qeyri-qanuni hesab olunur.
Bölmənin digər xəbərləri
