Yerli internet provayder “Webtv” xidmətinin tətbiqinə başlayıb
Bakı, 23 yanvar, AZƏRTAC
“DataPlus” internet provayderi “Webtv” xidmətini abunəçilərinin ixtiyarına verib.
İnternet provayderdən verilən məlumata görə, artıq istifadəçilər onlayn rejimində Azərbaycan, rus, türk və ingilis dilində 140-dan çox televiziya kanalını izləyəcəklər.
“DataPlus” abunəçisi olmaqla heç bir əlavə ödəniş etmədən bu xidmətdən yararlanmaq mümkündür.
Yanvarın 31-dək bütün internet istifadəçiləri “webtv.dataplus.az” saytına daxil olmaqla xidmətdən istifadə edə bilərlər. “Webtv” xidmətindən yararlanmaq üçün minimal sürət 2048 kb/s-dən artıq olmalıdır.
Bölmənin digər xəbərləri
