Y.KOİDZUMİ VƏ V.PUTİN ƏRAZİ MƏSƏLƏLƏRİNDƏ BÖYÜK İRƏLİLƏYİŞ ƏLDƏ EDƏ BİLMƏMİŞLƏR
Hər iki tərəfin mübahisəli ərazi məsələsinə dair yeni siyasi sənəd hazırlanmasına yönəlmiş səylərinə baxmayaraq, üçsaatlıq danışıqların yekununda qəbul edilmiş əməkdaşlıq haqqında on saziş arasında Kuril adaları barədə bəyanat yoxdur.
Koidzumi Rusiya Prezidentinin Yaponiyaya səfəri çərçivəsində V.Putinlə birgə keçirdiyi mətbuat konfransında demişdir: “Biz etiraf edirik ki, adalar məsələsini qəti həll etməliyik. Lakin bu məsələnin həllində Rusiya ilə Yaponiya arasında böyük fikir ayrılığı mövcuddur”.
Prezident V.Putin bildirmişdir ki, mübahisəli adalar məsələsinin həlli asan iş deyildir.
Yaponiyanın Baş naziri gələn il Rusiyaya rəsmi səfər barədə V.Putinin dəvətini qəbul etmişdir.
Bölmənin digər xəbərləri
