YÜK NƏQLİYYAT VASİTƏLƏRİNİN ÇƏKİLMƏSİNİN BEYNƏLXALQ SERTİFİKATI TƏTBİQ OLUNACAQ
AZƏRTAC-ın xüsusi müxbiri xəbər verir ki, iyulun 10-da MDB İqtisadi Şurası yanında iqtisadi məsələlər üzrə komissiyanın iclası olmuşdur. MDB İcraiyyə Komitəsinin Sahələrarası Əməkdaşlıq Departamentinin şöbə rəisi Stepan Şkapiç jurnalistlərlə görüşündə bildirmişdir ki, 2004-cü il yanvarın 1-dən etibarən MDB ölkələrində yük nəqliyyat vasitələrinin çəkilməsinin beynəlxalq sertifikatını tətbiq etmək planlaşdırılır. Onun sözlərinə görə, “bütün Birlik məkanında nəqliyyatın hərəkətinə vahid nəzarət sistemi tətbiq olunacaqdır”. Nəqliyyat vasitələrinin çəkilməsinin beynəlxalq sertifikatının tətbiq olunması haqqında sazişin layihəsinin qəbul edilməsi MDB ölkələri sərhədində yük maşınlarının boş dayanması vaxtını xeyli azaltmağa imkan verəcəkdir. Məsələn, yük maşınları Birlik dövlətlərindən birinin sərhədini keçərkən bir dəfə çəkiləcəkdir. Beynəlxalq sertifikat alındıqdan sonra nəqliyyat vasitələri tranzitlə təyinat yerinə gedəcəkdir.
Bölmənin digər xəbərləri
