YUNANISTAN HÖKUMƏTİ OLİMPİADANIN ƏMLAKINI HƏRRACA QOYUR

25.10.2004 [19:53]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Yunanıstan hökuməti 2004-cü ilin Yay Olimpiya oyunlarının stadionlarını icarəyə verir, daşınar əmlakını isə hərracla satır. Bunu Yunanıstan mədəniyyət nazirinin müavini xanım Fani Palli-Petralya bildirmişdir. O demişdir: “Olimpiya obyektlərinin özü satılmayacaqdır. Lakin hökumət gələcəkdə onlardan istifadə üçün açıq beynəlxalq müsabiqə hazırlayır”.

Olimpiya Təşkilat Komitəsinin daşınar əmlakına gəldikdə, o, yaxın vaxtlarda hərracla satılacaqdır. Yunanıstan hökuməti bundan təxminən 125 milyon avro əldə etmək ümidindədir. Məsələn, Olimpiya stadionunun dəyəri 2 milyon avrodan artıq olan nəhəng televiziya ekranını satışa çıxarmaq planlaşdırılır. Bundan əlavə, 11 mindən çox kompüter, 8600 televizor, digər təşkilat texnikası və avadanlıq da hərraca qoyulacaqdır.

Oyunların qonaqlarının istifadə etdikləri müxtəlif əşyaları da satmaq nəzərdə tutulur. Bununla əlaqədar, Olimpiya kəndindən 20 min güzgü və 400 mindən çox dəsmal satışa göndəriləcəkdir.

YUNANISTAN HÖKUMƏTİ OLİMPİADANIN ƏMLAKINI HƏRRACA QOYUR

MÜƏLLİFLƏ ƏLAQƏ

Bölmənin digər xəbərləri