YUNESKO-NUN XOŞMƏRAMLI SƏFİRİ ÖZBƏKİSTAN ORDENİ İLƏ TƏLTİF EDİLMİŞDİR

31.03.2004 [22:30]
Çap et
A⁺ A^-

AZƏRTAC-ın müxbiri Daşkənddən xəbər verir ki, Özbəkistan Prezidenti İslam Kərimov sabiq Litva prezidenti, hazırda YUNESKO-nun xoş məramlı səfiri olan Valdas Adamkusu qəbul etmişdir. Görüşdə BMT-nin bu mötəbər təşkilatının müxtəlif ölkələrdə, o cümlədən Özbəkistanda fəaliyyətindən də söhbət getmişdir.

Dövlət başçısı Özbəkistanın ali mükafatlarından biri olan “Böyük xidmətlərinə görə” ordenini Adamkusa təqdim edərək, xoşməramlı fəaliyyəti üçün təşəkkürünü bildirmişdir.

V.Adamkus bu mükafata həm də “özbək və Litva xalqları arasında dostluq və əməkdaşlıq tellərinin möhkəmlənməsi sahəsində xidmətlərinə görə” layiq görülmüşdür.

YUNESKO-nun xoşməramlı səfiri martın 30-da respublikada törədilmiş terror aktları ilə əlaqədar Özbəkistan Prezidentinə başsağlığı vermişdir.