Zelenski və Sunak Baxmutun müdafiəsini müzakirə ediblər
Kiyev, 16 mart, AZƏRTAC
Martın 16-da Ukrayna Prezidenti Volodimir Zelenski Böyük Britaniyanın Baş naziri Rişi Sunak ilə telefon danışığı aparıb.
AZƏRTAC xəbər verir ki, bu barədə Zelenski teleqram səhifəsində məlumat verib.
Prezidentin sözlərinə görə, Sunakla söhbət zamanı cəbhədəki vəziyyəti və Baxmutun müdafiəsini müzakirə ediblər.
"Biz son beynəlxalq hadisələrlə bağlı fikir mübadiləsi apardıq. Həmişə olduğu kimi, Ukraynaya müdafiə və iqtisadi dəstəyin gücləndirilməsi istiqamətində konkret nəticələr var", - deyə V.Zelenski vurğulayıb.
O, həmçinin Ukraynaya göstərdiyi daimi dəstəyə görə Böyük Britaniyaya minnətdarlığını bildirib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
