Uşaqlara həsr olunmuş videoçarx hazırlanıb VİDEO
Bakı, 1 iyun, AZƏRTAC
1 iyun - Uşaqların Beynəlxalq Müdafiəsi Günü ilə əlaqədar Əmək və Əhalinin Sosial Müdafiəsi Nazirliyi yeni videoçarx yayımlayıb.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, videoçarxda hər bir uşaq üçün valideynin nə qədər qiymətli və dəyərli olduğu, valideyn doğmalığının əvəzsizliyi uşaqların öz baxışı və öz dili ilə təqdim edilir. Onlar bu barədə özlərinin təsəvvür və düşüncələrini bölüşürlər.
Uşaqların valideyn qayğısı ilə əhatə olunmasının onlar üçün nə qədər böyük dəyər və məna kəsb etdiyini nümayiş etdirən videoçarx övlada bağlılığın təbliği, uşaqların atılmasının qarşısının alınması istiqamətində maarifləndirmə məqsədi daşıyır.
Bölmənin digər xəbərləri
