“Qalatasaray” klubunun rəhbərliyi Fatim Terimi istefaya göndərib VİDEO
Bakı, 10 yanvar, AZƏRTAC
İstanbulun “Qalatasaray” futbol klubunun rəhbərliyi komandanın son oyunlarda uğursuz çıxış etməsi ilə əlaqədar baş məşqçi Fatih Terim ilə yolları ayırıb.
AZƏRTAC xəbər verir ki, klubun idarə heyətinin təcrübəli mütəxəssisin iştirakı ilə keçirilən iclasında baş məşqçinin istefaya göndərilməsi barədə qərar qəbul olunub.
Altmış səkkiz yaşlı Fatih Terim 2017-ci ilin dekabrında “Qalatasaray”ın baş məşqçisi vəzifəsinə təyin olunub. O, daha əvvəl üç dəfə - 1996-2000-ci, 2002-2004-cü, 2011-2013-cü illərdə “cim-bom”a rəhbərlik edib.
Qeyd edək ki, ölkə çempionatında 20 turdan sonra 27 xal toplayan İstanbul təmsilçisi 12-ci sırada qərarlaşıb.
Bölmənin digər xəbərləri
