2008-Cİ İL OLİMPİADASI TƏŞKİLAT KOMİTƏSİNİN İNTERNETDƏ RƏSMİ SAYTI AÇILMIŞDIR
AZƏRTAC Sinxua agentliyinə istinadla bildirir ki, Çin paytaxtının 2008-ci ilin Olimpiya oyunlarını keçirmək hüququnu qazanmasının ikinci ildönümü münasibətilə Olimpiadanın Pekin Təşkilat Komitəsinin İnternetdə yeni veb-saytı açılmışdır. Yeni “səhifə” bundan əvvəlki ilkin saytın əsasında yaradılmışdır və informasiya axtarışının yüksək səmərəli sistemi ilə fərqlənir. Yeni saytda qarşıdakı Olimpiada haqqında xəbərlər daim təzələnir. İnformasiya bir çox dillərdə dərc edilir. Yenilənmiş saytın yaradılması 2008-ci il Olimpiadasına hazırlıq işlərinin mühüm hissəsi olmuşdur. Bu saytın İnternetdə açılması oyunlara hazırlığın ümumi planında, habelə Beynəlxalq Olimpiya Komitəsinin tələbləri ilə nəzərdə tutulmuşdur.
Bölmənin digər xəbərləri
