2010-CU İL QIŞ OLİMPİYA OYUNLARININ EV SAHİBİ BOK-UN SESSİYASINDA MÜƏYYƏNLƏŞDİRİLƏCƏKDİR
2010-cu il qış olimpiya oyunlarının harada keçiriləcəyi məsələsi Beynəlxalq Olimpiya Komitəsinin (BOK) iyulun 2-də Praqada keçiriləcək sessiyasında həll ediləcəkdir. Avstriyanın Zaltsburq, Cənubi Koreyanın Pxençan və Kanadanın Vankuver şəhərləri 2010-cu il qış oyunlarını qəbul etməyə hazır olduqlarını bildirmişlər. Sessiyaya BOK-un prezidenti Jak Roqqe sədrlik edəcəkdir. Səsvermənin nəticələri iyulun 2-də məlum olacaqdır. Ən çox səs toplayan namizəd qalib elan ediləcəkdir. Beynəlxalq Olimpiya Komitəsinin 115-ci sessiyasının gündəliyinə BOK komissiyalarının və qarşıdakı oyunların təşkilat komitələrinin məruzələrinin dinlənilməsi də daxildir. Sessiya “Olimpiya barışığı”nın xeyrinə kampaniyanın başlanmasının elan olunması ilə sona çatacaqdır.
Bölmənin digər xəbərləri
