“Anadolu Qartalı - 2022” beynəlxalq taktiki-uçuş təlimi keçirilir VİDEO
Bakı, 21 iyun, AZƏRTAC
Türkiyə Respublikasının Konya şəhərində “Anadolu Qartalı - 2022” beynəlxalq taktiki-uçuş təlimi keçirilir.
Müdafiə Nazirliyinin mətbuat xidmətindən AZƏRTAC-a bildiriblər ki, təlimin ilkin mərhələsində iştirakçılara təlimatçılar tərəfindən tərtib olunan plan üzrə təhlükəsizlik qaydaları çatdırılıb, uçuş və digər tapşırıqlarla bağlı məsələlər izah olunub.
Plana uyğun olaraq hərbi pilotlar şərti düşmənin hava hücumundan müdafiə vasitələrini məhv etdikdən sonra təyin olunan hədəflərə aviasiya zərbələri endiriblər.
Təlimdə qarşıya qoyulan tapşırıqlar uğurla yerinə yetirilib.
Qeyd edək ki, beynəlxalq taktiki-uçuş təlimi iyulun 1-dək davam edəcək.
Bölmənin digər xəbərləri
