Tovuz, 13 iyul, AZƏRTAC

Tovuz rayonunda 30 yaşlı Nicat Əhmədov 24 yaşlı həyat yoldaşı Nuranə Əhmədovanın boğazını kəsərək qətlə yetirib.

AZƏRTAC xəbər verir ki, hadisə rayonun Hacallı kəndində qeydə alınıb. Mərhum hadisəni törətməkdə şübhəli bilinən Nicat Əhmədovun həm də bibisi qızı olub.

Nuranə Əhmədova evdar qadın olub, əri isə gündəlik muzdlu işlərdə çalışıb. Qətli törədən şəxs Tovuz Rayon Polis Şöbəsinin əməkdaşları tərəfindən saxlanılıb.

Faktla bağlı rayon prokurorluğunda cinayət işi açılıb, araşdırma aparılır.