® Azərbaycanda “Honor 200” və “Honor 200 Pro” flaqman smartfonlarının satışına start verilib VİDEO
Avqustun 8-də Bakıda, Daş salnamə muzeyində “Honor” beynəlxalq brendi yeni məhsul xəttinin – “Honor 200” və “Honor 200 Pro” modellərinin rəsmi təqdimatını keçirib.
Yeni məhsulların öndəgedən xüsusiyyəti “Harcourt Paris” fotoşəkil studiyası ilə birlikdə hazırlanıb və süni zəka texnologiyaları üzərindən işləyən unikal portret çəkiliş rejimidir. Təqdimat mərasimində qonaqlar “Harcourt Studio”nun peşəkarlığını səciyyələndirən “Harcourt Portret” rejimində professional fotoşəkillər çəkməkdən zövq alaraq, smartfonu sınaqdan keçirmək imkanı əldə ediblər.
Yeni seriya istifadəçilərə yüksək dərəcəli flaqman xüsusiyyətləri təqdim edərək ilk alıcılarına həm də xüsusi hədiyyələr təklif edir. Gəlin, sizi yeni məhsullar ilə daha yaxından tanış edək.
Fotoçəkiliş imkanları. Hər iki smartfonu mobil fotoqraflar üçün peşəkar həll olaraq təqdim etmək olar. “Honor 200” və “Honor 200 Pro” həm foto, həm də videoçəkilişlər üçün nəzərdə tutulan unikal həllərə yiyələnərək hər iki halda mükəmməl təcrübə təmin edirlər. Belə ki, hər iki modelin əsas sensoru 50 meqapikseldir, lakin “Honor 200”də “Sony IMX906”dən, “Honor 200 Pro”da isə “Honor Magic6 Pro” kamera telefonunda olduğu kimi, “OmniVision H9000”dən istifadə edilib. Modellər, həmçinin 2,5x optik böyütmə və optik sabitləşdirməni özündə birləşdirən 50 MP telefoto kamera ilə təchiz ediliblər. 12 meqapiksellik ultra geniş bucaqlı kamera isə, 112° çəkiliş bucağı ilə məzmun qeydə etməklə yanaşı, həm də 2,5 santimetr məsafədən super makroçəkiliş də həyata keçirməyə qadirdir.
Yüksək keyfiyyətli sensorlar burada üz xüsusiyyətlərini öyrənən süni zəkanın heyrətamiz gücü ilə bir araya gələrək, xüsusi alqoritmlərdən istifadə edib ideal fon və işıqlandırma seçimlərini təqdim edirlər. Portret çəkilişlərinin biliciləri dünyaca məşhur Fransanın portret studiyası ilə birgə ərsəyə gətirilmiş “Harcourt” filtrlərini də yüksək qiymətləndirəcəklər.
Çoxpilləli görmə qorunması ilə təchiz edilmiş möhtəşəm ekran. “Honor 200” və “Honor 200 Pro” görmə qabiliyyətinizi qorumaq üçün bir sıra qabaqcıl texnologiyaları özündə birləşdirən AMOLED matrislər ilə təchiz edilib. Belə ki, buraya görüntü titrəməsini aradan qaldıran, 3840 Hz ultra yüksək PWM tezliyi və istifadə ssenarilərindən asılı olaraq rəng temperaturunda axarı dəyişikliyə malik sirkadiyalı gecə rejimi və zərərli mavi işığın səviyyəsinin texniki təchizat vasitəsilə azaldılması daxildir.
Bundan əlavə, “Honor 200 Pro” displeyi işıqlandırılma səviyyəsini daha dəqiq müəyyənləşdirilməsi üçün iki sensorla təchiz olunub. Həmçinin sistem ətraf mühitin rəng temperaturunda dəyişiklikləri təhlil edərək, matrisin tonlarını yüksək dəqiqliklə tənzimləyir. Bununla yanaşı, qeyd etmək lazımdır ki, “Honor 200 Pro”nun displey diaqonalı “Honor 200”dən bir qədər böyük olub, müvafiq olaraq 6,78” və 6,7” təşkil edir.
Silikon-karbon akkumulyatoru. Yeni nəsil 5200 mAh tutuma malik akkumulyator istənilən yerdə və zamanda bütün gün fasiləsiz işləmə təcrübəsini təmin edir. Həmçinin smartfonla birlikdə güclü “100 W Honor SuperChagre” naqilli yükləmə cihazı da təqdim edilir ki, onun köməyi ilə smartfonunuz cəmi 15 dəqiqə ərzində 50 faizə qədər şarj ediləcək. Əlavə olaraq, “Honor 200 Pro 66 Vt” simsiz dolumu da dəstəkləyir.
Yüksək performans. “Honor 200 Pro” yalnız yüksək işləmə gücü ilə deyil, həm də generativ süni zəka funksiyalarını dəstəkləyən, ən son üçüncü nəsil “Snapdragon 8s” çipi ilə də təchiz edilib. Qeyd edək ki, “Honor 200” modeli isə üçüncü nəsil “Snapdragon 7” çipinə sahibdir.
Hər iki smartfon 12 GB RAM və 512 GB yaddaşa malikdir. Həmçinin “Honor 200 8/256 GB” versiyasında da mövcuddur.
Bu, hələ hamısı deyil! “Honor 200” və “Honor 200 Pro” incə dizaynı, yüksək səsli stereo dinamikləri, “Honor Histen” fəza səsi, eSIM dəstəyi və qabaqcıl “MagicOS 8” əməliyyat sistemi ilə seçilir.
***
“Honor 200” Seriyasının satışına “İrşad”, “Kontakt Home”, “Soliton”, “Elit Optimal”, “Umico”, “Music Gallery”, “Smart Electronics” və “Digital Home” mağazalar şəbəkəsində avqustun 9-dan start veriləcək. Smartfonları sentyabrın 15-dək əldə edənlər, xüsusi hədiyyələrdən də faydalana biləcəklər, belə ki, “Honor 200” alarkən “Honor Choice Watch”, “Honor 200 Pro” alarkən isə “Honor Watch 4”ü hədiyyə olaraq əldə etmək şansı qazanacaqlar.
Beləliklə, “Honor 200 Pro”nu 1899.99 manata əldə etmək mümkün olacaq. Həmçinin smartfon ağ Ay işığı, qara və okean mavisi rənglərində təqdim olunacaq. Həmçinin 12 GB RAM və 512 GB daxili yaddaşla təqdim olunan “Honor 200” modelinin qiyməti 1399.99 manat, sözügedən smartfonun 8/256 GB-lıq versiyasının qiyməti isə 1249.99 manat təşkil edəcək. Adıçəkilən smartfon, ağ Ay işığı, zümrüdü yaşılı və qara rənglərində satışa çıxarılacaq.
Bölmənin digər xəbərləri
