Bəhreyndə yaşayış binasına İran raketi düşüb, 1 ölü, 8 yaralı var VİDEO
Qahirə, 10 mart, AZƏRTAC
Ötən gecə Bəhreynin paytaxtı Manama şəhərində yaşayış binasına İrana məxsus raketin düşməsi nəticəsində 1 nəfər ölüb, 8-i yaralanıb.
AZƏRTAC xəbər verir ki, bu barədə Bəhreynin Daxili İşlər Nazirliyi məlumat yayıb.
Ölkənin Müdafiə Qüvvələrinin Baş Komandanlığı isə bildirib ki, hava hücumundan müdafiə sistemləri İrandan atılan raketləri və PUA-ları zərərsizləşdirməkdə davam edir. Ötən müddətdə Bəhreynə atılan 102 ballistik raket və 173 PUA zərərsizləşdirilib.
Bəhreyndə əhalinin zərurət olmadan evlərini tərk etməmələri və ehtiyatlı olmaları barədə xəbərdarlıq edilib.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
