İki ayda Qəbələyə 13 min 209 turist gəlib VİDEO
Qəbələ, 13 mart, AZƏRTAC
Bu ilin yanvar-fevral aylarında Qəbələyə 13209 turist gəlib. Əcnəbi turistlər arasında Hindistan vətəndaşları üstünlük təşkil edib - 1369 nəfər. Bununla yanaşı Səudiyyə Ərəbistanından 1130 nəfər, Birləşmiş Ərəb Əmirliklərindən 373 nəfər, Küveytdən 232 nəfər, Pakistandan 219 nəfər, Bolqarıstandan 192 nəfər, İsraildən 113 nəfər, Rusiyadan 109 nəfər, Omandan 104 nəfər, Qətərdən 83 nəfər, Türkiyədən 75 nəfər, ABŞ-dan 35 nəfər, Ukraynadan 30 nəfər, digər ölkələrdən isə 1009 nəfər turist gəlib.
Bu barədə AZƏRTAC-ın bölgə müxbirinə Rayon Statistika İdarəsindən bildirilib.
Qəbələ rayonu ərazisində yanvar-fevral aylarında 22 mehmanxana və mehmanxana tipli obyektdən 14-ü fəaliyyət göstərib. Bu dövrdə hotel və mehmanxanalarda 4592 çarpayı-yerdən istifadə olunub. Bir gün qalmaq üçün orta qiymət 123,8 manat təşkil edib və turistlərin qalma müddəti 1-2 gün olub. Bu müddətdə hotel və mehmanxana tipli obyektlərə 13 min 209 nəfər yerləşdirilib ki, onların 8136 nəfəri və ya 61,6 faizi Azərbaycan, 5073 nəfəri və ya 38,4 faizi xarici ölkə vətəndaşları olub.
Hotel və mehmanxana tipli obyektlərə yerləşdirilən yerli və əcnəbi turistlərin sayı əvvəlki ilin müvafiq dövrü ilə müqayisədə 959 nəfər və ya 7,8 faiz artıb.
Bu dövrdə yerli turistlərin sayı keçən ilin eyni dövrü ilə müqayisədə 1559 nəfər və ya 23,7 faiz artıb, əcnəbi turistlərin sayı isə 600 nəfər və ya 5,6 faiz azalıb.
Müxbir - Rasim İslamoğlu
Bölmənin digər xəbərləri
