42-ci “İstanbul marafonu” keçirilib
İstanbul, 8 noyabr, AZƏRTAC
İstanbulda 42-ci “İstanbul marafonu” keçirilib. Marafon İstanbul Böyükşəhər Bələdiyyəsinin dəstəyi, Spor İstanbulun təşkilatçılığı ilə baş tutub.
AZƏRTAC xəbər verir ki, “Təkbaşına bizimlə qaç” şüarı ilə keçirilən marafon tarixində ilk dəfə iştirakçılar “15 İyul Şəhidlər Körpüsü”nü iki dəfə qət ediblər.
Marafonun qalibləri kişilər arasında Keniya atleti Benard Cheruiyot Sang, qadınlar arasında da keniyalı idmançı Diana Chemtai Kipyogei olub.
Qeyd edək ki, 2012-ci ildən bu yana keçirilən və dünyada iki qitə arasında yeganə tədbir sayılan “Vodafone 41-ci İstanbul marafonu” 42 kilometr 195 metr, 8 və 15 kilometr olmaqla üç kateqoriyadan ibarətdir. Marafona 106 ölkədən 140 minə yaxın insan qatılıb.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
