İtaliyanın “Rai” telekanalında Naftalan neftinin müalicəvi əhəmiyyətindən bəhs edən reportaj yayımlanmışdır VİDEO
Roma, 1 iyun (AZƏRTAC). İtaliyanın “Rai” telekanalında Naftalan neftinin müalicəvi əhəmiyyətindən bəhs edən reportaj yayımlanmışdır.
Reportajda bildirilir ki, Azərbaycana üz tutan minlərlə insan müxtəlif xəstəliklərdən xilas olmaq üçün burada Naftalan nefti ilə müalicə olunur. Bu insanları kurort şəhərinə gətirən isə təbii ki, Naftalan neftinin dünyada qazandığı şöhrətlə bağlıdır. Buraya gələnlər Naftalan nefti və onun əsasında hazırlanan məlhəmlərlə müalicə alırlar.
Qeyd olunur ki, neft tərkibli yağla həyata keçirilən müalicə insan bədəninin müxtəlif hissələrindəki ağrıları aradan qaldırmağa, bir çox dermatoloji xəstəlikləri sağaltmağa kömək edir.
Maqsud Dadaşov
AZƏRTAC-ın xüsusi müxbiri
Roma
Bölmənin digər xəbərləri
