CƏMİYYƏT


Beynəlxalq Diş Əti Sağlamlığı Gününə həsr olunmuş seminar təşkil edilib

Bakı, 12 may, AZƏRTAC

Diş əti xəstəlikləri müalicə edilmədiyi halda, dişlərin və implantların itkisinə səbəb olaraq insanlarda düzgün qidalanma çətinliyi, nitq qüsuru, özünəinamın azalması ilə nəticələnən qeyri-yoluxucu xroniki iltihabi xəstəliklərdir. Təəssüf ki, diş əti xəstəliyi ictimaiyyət tərəfindən hələ də az tanınır. Bu səbəblə diş əti xəstəliklərinin profilaktikası və effektiv müalicəsi təkcə ağız boşluğu sağlamlığı üçün deyil, bütün orqanizm üçün böyük əhəmiyyət kəsb edir.

AZƏRTAC Səhiyyə Nazirliyinə istinadla bildirir ki, bu fikirlər mayın 12-də Ə.Əliyev adına Azərbaycan Dövlət Həkimləri Təkmilləşdirmə İnstitutunda keçirilən seminarda səsləndirilib.

Davamlı tibbi təhsil kurslarında iştirak edən həkim-stomatoloqlara və rezidentlərə institutun Stomatologiya və üz-çənə cərrahiyyəsi kafedrasının dosenti, tibb üzrə fəlsəfə doktoru, Azərbaycan Parodontologiya Cəmiyyətinin prezidenti Cavid Əhmədbəyli tərəfindən “Diş əti sağlamlığı, diş əti xəstəliklərinin müasir diaqnostikası və müalicəsi” mövzusunda məruzələr oxunub.

Azərbaycan Tibb Universitetinin Ortopedik stomatologiya kafedrasının assistenti, Azərbaycan Parodontologiya Cəmiyyətinin İdarə Heyətinin üzvü, Diş Əti Sağlamlığı Günü Milli koordinatoru Leyla Bəkirova tərəfindən “Diş əti xəstəliklərinin qeyri-cərrahi müalicəsi və fərdi ağız boşluğu gigiyenasının maarifləndirilməsi” mövzusunda universitetin stomatologiya ixtisası üzrə təhsil alan tələbə və rezidentləri üçün bu günə həsr olunmuş seminar və praktik kurs keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.