İDMAN


Bu gün Azərbaycanın iki idmançısı Olimpiya Festivalının tennis yarışlarında mübarizəyə qoşulacaq

 

Bakı, 21 iyul, Məhərrəm Əlioğlu, AZƏRTAC 

Azərbaycanın iki idmançısı iyulun 21-də Bakı Tennis Akademiyasında “EYOF Bakı 2019” XV Avropa Gənclər Yay Olimpiya Festivalının tennis yarışlarında mübarizəyə qoşulacaq.

AZƏRTAC xəbər verir ki, fərdi yarışlarda qızların mübarizəsində Polina Drobişeva slovakiyalı Salma Druqdova ilə qarşılaşacaq.

Tamerlan Əzizov isə fərdi yarışda italiyalı Daniele Miniginini sınağa çəkəcək.

Qeyd edək ki, püşkatmaya görə digər təmsilçilərimiz Kənan Qasımov belçikalı Alessio Basile, Alina Hüseynova belçikalı Jülyet Bovi ilə qarşılaşacaq.

Azərbaycan yığması bu idman növündə iki oğlan və iki qızla təmsil olunur. Millimizin üzvlərinin hamısı mübarizəyə 1/32 finaldan başlayacaq.

Yarışda oğlanlar və qızlar fərdi və qoşa kateqoriyalarda mübarizə aparırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.