Fransa-Argentina oyununun ən yaxşı futbolçusu - Kaylian Mbappe
Bakı, 30 iyun, AZƏRTAC
Fransa komandasının futbolçusu Kaylian Mbappe Argentina ilə oyununun ən yaxşı oyunçusu hesab olunub. Bu barədə FİFA-nın mətbuat xidməti məlumat yayıb.
AZƏRTAC xəbər verir ki, Kaylian Mbappe səkkizdəbir finalda argentinalıların qapısına iki qol vurub və üstəlik bir penalti qazanıb. Bu oyunda Fransa millisi Argentina komandasını 4:3 hesabı ilə məğlub edib.
Fransızlar dörddəbir finalda Uruqvay və Portuqaliya komandaları arasında oyunun qalibi ilə qarşılaşacaq. Həmin oyunda birinci hissədən sonra Cənubi Amerika futbolçuları 1:0 hesabı ilə irəlidədir.
Bölmənin digər xəbərləri
