DÜNYA


Fransada COVID-19 virusundan ölənlərin sayı 30 min 480-ə çatıb

Paris, 21 avqust, AZƏRTAC

Son sutka ərzində Fransada COVID-19 epidemiyasına 4771 yeni yoluxma qeydə alınıb. Beləliklə, son həftə ərzində yeni növ koronavirusa yoluxmada 43 faiz artım olub.

AZƏRTAC xəbər verir ki, bu barədə Fransa Səhiyyə Baş İdarəsi məlumat verib. Qurum vəziyyətin narahatlıq yaratdığını vurğulayıb. Bildirilib ki, son günlərdə ölkədə koronavirusa yoluxanların sayı 18 min 638 nəfərə çatıb. Son sutka ərzində xəstəxanalara 149 yeni xəstə qəbul edilib və pasiyentlərin ümumi sayı 4748 nəfər təşkil edib. Reanimasiyada ağır xəstələrin sayında da artım qeydə alınıb. Ölkədə 35 qrup yoluxması aşkarlanıb.

Fransada COVID-19 virusu nəticəsində qeydə alınmış 30 min 480 ölüm faktından 19 min 969-u xəstəxanalarda, 10 min 511-i isə qocalar evlərində baş verib.

Ölkədə COVID-19 virusunun yenidən geniş yayıldığı nəzərə alınaraq, qapalı, eləcə də açıq məkanlarda, hətta küçələrdə tibbi maskalardan istifadə olunması məcburiyyəti tətbiq edilir.

 

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.