DÜNYA


Latviya Seymi informatorların müdafiəsi haqqında qanun qəbul edib

Riqa, 13 oktyabr, AZƏRTAC

Latviya Seymi pozuntular barədə məlumat verən informatorların müdafiəsi haqqında qanunu sonuncu oxunuşda qəbul edib.

AZƏRTAC xəbər verir ki, qanunun qəbul olunması cəmiyyətin, yaxud onun bir hissəsinin maraqlarına uyğun olaraq pozuntular barədə məlumat mexanizminin fəaliyyət göstərməsini, həmçinin informatorların müdafiəsini təmin etmək məqsədi daşıyır.

Qanunda pozuntular və təhdidlərlə bağlı birbaşa vəzifə funksiyalarının yerinə yetirən fiziki şəxslərə müvafiq instansiyalara müraciət etmək hüququ verilir.

Müraciətlər korrupsiya, dələduzluq, vəzifəli şəxslərin fəaliyyətsizliyi, səhlənkarlıq, vəzifə səlahiyyətindən sui-istifadə, vergidən yayınma, dövlət vəsaitlərinin və əmlakının dağıdılması, ictimai sağlamlıq üçün təhlükə, tikinti, ətraf mühit, qida, əmək və ərzaq təhlükəsizliyi, ictimai asayişin və insan haqlarının pozulması, maliyyə və kapital bazarında qaydalara əməl olunmaması, inhisarçılıq halları ilə bağlı ola bilər. Dövlət sirri daşıyan, habelə şəxsi maraqlara xələl gətirən yalan məlumatlar bu kateqoriyaya aid edilmir.

Qanunda informatorların məxfiliyi və onlara dövlət tərəfindən hüquqi yardım verilməsi də nəzərdə tutulur.

Yeni qanun 2019-cu il mayın 1-dən qüvvəyə minəcək.

Aygün Əliyeva

AZƏRTAC-ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.