Lənkəran sakinlərindən qanunsuz saxladıqları odlu silahlar aşkarlanıb
Bakı, 28 yanvar, AZƏRTAC
Respublikanın daxili işlər orqanları qanunsuz saxlanılan silah-sursatın aşkarlanaraq götürülməsi məqsədilə əməliyyat-axtarış tədbirlərini davam etdirir.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-a bildiriblər ki, bu istiqamətdə Lənkəran Şəhər-Rayon Polis Şöbəsinin əməkdaşlarının keçirdikləri əməliyyat tədbirləri zamanı rayon sakinləri A.Əliyev, B.Əzizovdan qanunsuz olaraq saxladıqları müxtəlif markalı iki ov tüfəngi aşkar edilərək götürülüb.
Silahlar aidiyyəti üzrə təhvil verilib. Faktla bağlı araşdırmalar aparılır.
Bölmənin digər xəbərləri
