İQTİSADİYYAT


Neft Fondunun mənfəət nefti və qazın satışı üzrə gəlirləri 1,2 milyard dollar artıb

Bakı, 1 fevral, Nihad Budaqov, AZƏRTAC

Azərbaycan Respublikası Dövlət Neft Fondu (ARDNF) keçən il mənfəət neftinin və qazın satışından əldə etdiyi gəlirləri artırıb.

Bu barədə AZƏRTAC-ın sorğusuna cavab olaraq ARDNF-in ictimaiyyətlə əlaqələr departamentindən bildirilib.

Qeyd edilib ki, 2017-ci ildə Neft Fonduna dövlətin payına düşən mənfəət neftinin və qazın satışından 6 milyard 410 milyon ABŞ dolları həcmində vəsait daxil olub. 2016-cı ildə isə mənfəət neftinin və qazın satışından əldə edilən gəlirlər maddəsi üzrə ARDNF-in büdcəsinə 5 milyard 189,1 milyon ABŞ dolları və ya 8 milyard 320 milyon manat məbləğində vəsait daxil olmuşdu. Beləliklə də ötən il Dövlət Neft Fondunun mənfəət neftinin və qazın satışından əldə etdiyi gəlirləri 1 milyard 220,9 milyon dollar artıb.

Xatırladaq ki, 2016-cı ildə ARDNF-ə mənfəət neftinin və qazın satışı üzrə daxilolmaların 98,3 faizi “Azəri-Çıraq-Günəşli” (AÇG) və “Şahdəniz” yataqlarından hasil edilmiş mənfəət neftinin və qazın satışından əldə edilib. Belə ki, AÇG yatağı üzrə hesabat ili ərzində 5 milyard 100,23 milyon ABŞ dolları, “Şahdəniz” yatağından hasil edilmiş mənfəət qazının satışından təqribən 63,98 milyon dollar və digər yataqlar üzrə isə 24,9 milyon dollar həcmində vəsait daxil olub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.