Özbəkistan portalında Göygöl haqqında məqalə dərc olunub
Daşkənd, 24 may, АZƏRTAC
Özbəkistanın kun.uz portalında “Göygöl: Azərbaycanın firuzəyi möcüzəsi” adlı məqalə yerləşdirilib.
AZƏRTAC xəbər verir ki, məqalədə Göygöl haqqında məlumat verilir. Bildirilir ki, 2008-ci ildə Azərbaycan Prezidenti İlham Əliyevin Sərəncamı ilə Göygöl Milli Parkı yaradılıb. Bildirilir ki, bu ərazidə 19 göl var, bunlardan ən böyüyü Göygöldür.
Göygöl dəniz səviyyəsindən 2740 kilometr hündürlükdə, Kəpəz dağının ətəklərində yerləşir. Göygöl 1139-cu il sentyabrın 30-da bu ərazidə baş verən güclü zəlzələ nəticəsində yaranıb. Gölün eni 800, uzunluğu 2800, dərinliyi isə 30 metrdən 96 metrə qədərdir.
Bildirilir ki, Göygölün ərazisi flora və fauna ilə zəngindir. Burada 423 növ ağac, kol və dərman bitkiləri var.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
