Ümummilli Lider Heydər Əliyevin anadan olmasının 100 illiyi ilə bağlı videoçarx hazırlanıb
Bakı, 10 may, AZƏRTAC
Müasir müstəqil Azərbaycanın memarı və qurucusu, dünyaşöhrətli siyasi xadim Heydər Əliyevin anadan olmasının 100-cü ildönümü ilə əlaqədar “Crystal Group of Companies” ASC-nin kollektivi Fıəxri xiyabama gələrək Ulu Öndərin əziz xatirəsini yad edib, məzarı önünə əklil və gül dəstələri düzüb.
AZƏRTAC xəbər verir ki, daha sonra şirkətin ofisində cəmiyyətin sifarişi ilə hazırlanmış və Ümummilli Lider Heydər Əliyevin anadan olmasının 100 illik yubileyi ilə bağlı videoçarxa ictimai baxış keçirilib.
Videoçarxda öz xalqını zamanın mürəkkəb tarixi siyasi sınaqlarından uğurla çıxarmış və onu əbədi müstəqilliyə qovuşdurmuş qüdrətli şəxsiyyətə sadə xalq sevgisindən bəhs olunur.
Qeyd edək ki, Prezident İlham Əliyevin 2022-ci il 29 sentyabr tarixli Sərəncamı ilə 2023-cü il Azərbaycanda "Heydər Əliyev İli” elan olunub.
Bölmənin digər xəbərləri
