Uşaq əməyi istismarının qarşısının alınmasına həsr olunan seminar keçirilib
Bakı, 4 fevral, AZƏRTAC
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən Bakı şəhərində fəaliyyət göstərən Şuşa şəhər 1 nömrəli tam orta məktəbdə “Uşaq əməyinin istismarının qarşısının alınması” mövzusunda seminar keçirilib.
Nazirliyin ictimaiyyətlə əlaqələr şöbəsindən AZƏRTAC-a verilən məlumata görə, seminarda ayrı-ayrı işəgötürənlərin və Yasamal Rayon Polis İdarəsinin Yetkinlik Yaşına Çatmayanlarla Profilaktik Tədbirlər Bölməsinin nümayəndələri, məktəbin müəllimləri və yuxarı sinif şagirdləri iştirak edib.
Əmək Məcəlləsinə əsasən, uşaqların işə qəbul edilməsi üçün minimum yaş həddinin 15 yaş olduğu, həmin yaş dövrünədək uşaqların əmək münasibətlərinə cəlb edilməsinin qanunla qadağan edildiyi diqqətə çatdırılıb. Qeyd edilib ki, həmçinin yaşı 18-dən az olanların şəraiti ağır, zərərli olan iş yerlərində, tunel, şaxta və digər yeraltı işlərdə, habelə əxlaqi kamilliyinin inkişafına mənfi təsir göstərən iş yerlərində əməyə cəlb edilməsi qadağandır.
Bölmənin digər xəbərləri
