İQTİSADİYYAT
® “AccessBank” 2023-cü il üzrə maliyyə hesabatını açıqlayıb
![® “AccessBank” 2023-cü il üzrə maliyyə hesabatını açıqlayıb](/files/2024/1/1200x630/17053229884786555639_1200x630.png)
Mikro, kiçik və orta sahibkarlığın kreditləşməsi bazarının lideri olan “AccessBank” 2023-cü il üzrə maliyyə nəticələrini açıqlayır. Ətraflı məlumat əldə etmək üçün: https://www.accessbank.az/az/our-bank/in-figures/
Bank 2023-cü il nəticələrinə görə, 39.8 milyon manat xalis mənfəət əldə edib. Eyni göstərici 2022-ci ildə 15.0 milyon manat təşkil edib. Nəticədə, bankın kapital dayanıqlığı göstəricisi daha da möhkəmlənmiş və məcmu kapitalı 41.9 faiz və ya 42.3 milyon manat artaraq 143.5 milyon manata yüksəlib ki, bu da requlyativ tələbdən 2.9 dəfə çoxdur.
Sözügedən artımın drayverləri kimi kredit portfelinin, xüsusən biznes kreditlərinin artımı, depozitorların banka inamının artması, habelə yeni beynəlxalq kreditlərin cəlb edilməsi qeyd oluna bilər. Belə ki, ötən il ərzində:
- Kredit portfeli 24.6 faiz artıb və portfel 1 milyard manatı üstələyib. Hesabat dövrünün sonuna cəmi kredit portfeli 1 013.8 milyon manat təşkil edib.
- Kredit portfelinin 76.9 faizi biznesə ayrılmış kreditlər təşkil edir ki, biznes portfelinin həcmi 780.0 milyon manatdır. Hesabat dövrü ərzində biznes portfeli 23.0 faiz və ya 146.0 milyon manat artıb. İl ərzində verilmiş biznes kreditlərinin 55.3 faizi regionların payına düşür.
- Depozit portfelinin həcmi 1 milyard manatdan yüksəkdir və 2023-cü ilin sonuna 1 051.6 milyon manat təşkil edir ki, bu da 2022-ci illə müqayisədə 22.3 faiz çoxdur.
- Əhalinin müddətli əmanətləri ilin əvvəlindən 20.9 faiz artıb və 722.1 milyon manata çatıb.
- “AccessBank” 2023-cü ildə beynəlxalq nüfuzlu xarici kreditorlardan milli valyutada 51.0 milyon manat həcmində kredit cəlb edib ki, bunun 8.5 milyon manat hissəsi maliyyə sektoru üçün ilk olaraq “yaşıl” maliyyədir.
- Bankın aktivləri 1.4 milyard manata yüksəlib ki, bu da 2022-ci illə müqayisədə 19.1 faiz çoxdur.
- Faiz gəlirləri 2022-ci il ilə müqayisədə 39.0 faiz artaraq 195.3 milyon manat təşkil edib. Xalis faiz gəlirləri isə 2022-ci il ilə müqayisədə 46.0 faiz artaraq 122.0 milyon manata yüksəlib.
- Qeyri-faiz gəlirləri ötən ilin müvafiq dövrü ilə müqayisədə 36.7 faiz artaraq 17.9 milyon manat təşkil edir.
- Xalis əməliyyat mənfəəti 2023-cü ildə 56.3 milyon manata çatıb. 2022-ci ildə eyni göstərici 22.9 milyon manat təşkil edib.
- Bankın likvidlik mövqeyi dayanıqlıdır və likvidlik əmsalı 73.7 faiz təşkil edir ki, bu da AMB-ın tələb etdiyi minimum normadan 2.5 dəfə yüksəkdir.
“AccessBank” Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır.
Bankın 14-ü Bakıda, 18-i bölgələrdə olmaqla, 32 filialı fəaliyyət göstərir və MKOB-lar üçün əlçatan maliyyələşdirmə imkanlarını təqdim etməyə davam edir.
Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin www.accessbank.az saytına, və ya bankın müxtəlif sosial şəbəkələrdə olan səhifələrinə (feysbuk, instaqram, linkedIn) müraciət edə bilərsiniz.