Bakı, 30 avqust, AZƏRTAC

Türkiyənin "Fənərbağça" klubunun yeni transferi Sofyan Amrabat bu gün İstanbula gələcək.

AZƏRTAC xəbər verir ki, “sarı-lacivərdlilər” müqavilə ilə "Fiorentina"ya məxsus olan mərakeşli futbolçunun keçidi üçün İtaliya təmsilçisi ilə anlaşıb.

Ötən mövsüm icarə əsasında İngiltərənin "Mançester Yunayted" klubunda çıxış etmiş 27 yaşlı müdafiəçi bu gün Bakı vaxtı ilə saat 16:30-da Atatürk Hava Limanında olacaq. Ardınca isə tibbi yoxlanışdan keçəcək.

Oyunçu ilə 1+3 illik sözləşmə imzalanacaq. O, “Fənərbağça”da 6 nömrəli formanı geyinəcək.