"Kəpəz"in baş məşqçisi: Komandamız bundan sonra daha istəkli oyun nümayiş etdirməlidir
Bakı, 29 mart, AZƏRTAC
Komandamız bundan sonra daha istəkli oyun nümayiş etdirməlidir.
AZƏRTAC xəbər verir ki, bu sözləri "Kəpəz"in baş məşqçisi Adil Şükürov Azərbaycan Premyer Liqasının XXVIII turunda "Qarabağ"a 6:1 hesabı ilə məğlub olduqları oyundan sonra mətbuat konfransında deyib.
“Qarabağ”ı ölkə çempionluğunu rəsmiləşdirməsi münasibətilə təbrik edən mütəxəssis bildirib: “Sanki çempionatdakı bütün komandalar "Qarabağ"ı qoruyur və onların qalib gəlməsinə şərait yaradır. Ancaq inanıram ki, növbəti illərdə belə olmayacaq. Klublar arasında rəqabət yaransa, çempionatımızın keyfiyyəti də artacaq”.
Qeyd edək ki, xallarını 69-a çatdıran Ağdam təmsilçisi sona 8 tur qalmış 11-ci ölkə çempionluğunu rəsmiləşdirib.
Bölmənin digər xəbərləri
