"Qarabağ" ilə oyun öncəsi "Kayrat" bəyanat yayıb
Bakı, 15 oktyabr, AZƏRTAC
Ağdamın “Qarabağ” klubunun UEFA Konfrans Liqasının qrup mərhələsindəki rəqibi Qazaxıstanın “Kayrat” komandası bəyanat yayıb.
AZƏRTAC xəbər verir ki, Qazaxıstan təmsilçisi baş məşqçi Kurban Berdiyevlə futbolçular arasında qalmaqal yaşanması ilə bağlı yayılan xəbərlərə aydınlıq gətirib.
Bəyanatda bildirilir ki, mediada yazıldığı kimi, çalışdırıcının taktiki seçimləri ilə bağlı futbolçuların rəhbərliyə hər hansı bir müraciəti və ya şikayəti yoxdur: “Həm futbolçular, həm də rəhbərlik Kurban Berdiyevə dəstəyini davam etdirir. Komanda qarşıdakı vacib oyunlara hazırlaşır. Kollektiv ilk olaraq sabah “Aktobe” ilə də keçiriləcək matça köklənib”.
Qeyd edək ki, UEFA Konfrans Liqasının qrup mərhələsinin üçüncü turu çərçivəsində “Qarabağ” - “Kayrat” oyunu oktyabrın 21-də Tofiq Bəhramov adına Respublika Stadionunda keçiriləcək.
Bölmənin digər xəbərləri
