"Turan Tovuz"un baş məşqçisi: "Qarabağ"la oyunda bütün imkanlardan yararlandıq
Bakı, 26 yanvar, AZƏRTAC
Komandamız matçın böyük bir bölümünü məğlub durumda olsa da hər epizod uğrunda mübarizə apardı və fürsət yaranacağına dair ümidli idi. Şükürlər olsun ki, belə imkanlar əldə etdik və bunlardan yararlandıq.
AZƏRTAC xəbər verir ki, bu sözləri "Turan Tovuz" klubunun baş məşqçisi Kurban Berdiyev Misli Premyer Liqasında "Qarabağ"a səfərdə 2:1 hesabı ilə qalib gəldikləri XX tur oyunundan sonra təşkil olunmuş mətbuat konfransında deyib.
Mütəxəssis əzmkar mübarizə apardıqlarına görə futbolçularına təşəkkür edib: "Bu matçda əllərindən gələni etdilər. "Kəpəz"lə keçirdiyimiz axırıncı ev oyununda ağır məğlubiyyət almışdıq. Həmin görüşdən sonra bir daha həmin məğlubiyyəti yaşamayaq deyə futbolçuların hər biri ilə danışdıq. Onlara bildirdik ki, bu matça daha ciddi hazırlaşmalıyıq".
O, Qurban Qurbanov kimi baş məşqçinin komandasına qarşı oynamağın asan olmadığını bildirib: "Qarabağ" Azərbaycan futbolunun flaqmanı, Qurbanov da onun memarıdır".
Bölmənin digər xəbərləri
