ABŞ-DA 38 MİLYONDAN ÇOX ADAM DOYUNCA YEMƏK TAPMIR
Koliforniya, Texas, Arkanzas, Missuri, Şimali və Cənubi Karolina, Nyu Meksiko və Oklahoma ştatlarında vəziyyət daha gərgindir. Burada aclıq həddində yaşayan aztəminatlı ailələrin sayı daha çoxdur. Bu insanlar mənzil haqqını və digər zəruri ehtiyaclarını ödəmək üçün yeməyə qənaət etməli olurlar. Brendisa Universiteti nəzdində Yoxsulluq və aclıq problemlərini öyrənmə mərkəzinin (Massaçusets ştatı) direktoru Lerri Braun bildirmişdir ki, Kənd Təsərrüfatı Nazirliyinin məlumatı çoxları üçün gözlənilməz olmuşdur. O demişdir: “Qəribədir ki, müasir dövrdə bizim ölkəmizdə insanlar özlərini ərzaqla təmin edəcəklərinə əmin deyillər”.
Mərkəzin məlumatına görə, təkcə son bir ildə ABŞ-da kifayət qədər ərzaq ala bilməyən ailələrin sayı 1 milyondan çoxdur. L.Braunun sözlərinə görə, bu insanlar aclıq keçirir və mənzil haqqını ödəmək üçün tibbi xidmətdən də imtina edirlər. O demişdir ki, problemi təcili həll etmək lazımdır və bunun üçün ABŞ Prezidenti və Konqres bu məsələyə xüsusi diqqət yetirməlidirlər.
Bölmənin digər xəbərləri
