ABŞ-da koronavirusdan ölənlərin sayı 100 mini keçib
Vaşinqton, 28 may, AZƏRTAC
Birləşmiş Ştatlarda koronavirusdan ölənlərin sayı 100 min nəfəri keçib.
AZƏRTAC xəbər verir ki, ABŞ-da ölüm hallarının sayı ötən aylarla müqayisədə daha yavaş sürətlə artmaqda davam edir. Bununla yanaşı, ABŞ-ın bəzi ştatlarında müəssisələrə, parklara və digər ictimai obyektlərə fəaliyyətlərini bərpa etmək üçün icazə verilib.
Bazar günü Prezident Donald Tramp özünün "Twitter" səhifəsində bütün ölkə ərazisində ölümlərin sayının azaldığını qeyd edib. Lakin bu açıqlama ölənlərin sayının artdığını göstərən Ağ Evin koronavirusa qarşı mübarizə üzrə İşçi Qrupunun rəsmi məlumatlarına ziddir.
Ağ Evin daxili hesabatına görə, koronavirus pandemiyasının başlanğıcından şəhər yerlərində (Şərqi Tennessi və Kentukki ştatlarının ərazilərindən tutmuş Texasa və Ayovaya qədər) yoluxma hallarının sayı 72 faiz və daha çox artıb. Məsələn, Şimali Karolina ştatının Şarlot şəhərində yeni yoluxma hallarının sayı 200 faiz, Kentukki ştatının Central-situ şəhərində isə 650 faiz çoxalıb.
AZƏRTAC-ın Vaşinqton bürosu
Bölmənin digər xəbərləri
