ABŞ-dan Litvaya LNG tədarükü gözlənilir
Vilnüs, 16 fevral, AZƏRTAC
Bu həftə ABŞ-dan Litvanın Klaypeda şəhərinə mayeləşdirilmiş təbii qazın (LNG) tədarük edilməsi gözlənilir.
AZƏRTAC Litva mətbuatına istinadla xəbər verir ki, LNG ilk dəfə olaraq fevralın 18-də “Cool Runner” adlı qaz daşıyan tanker vasitəsilə gətiriləcək.
Terminal operatoru “Klaipėdos nafta” bildirib ki, gəmi Texasdan, “Freeport” LNG şirkətinin terminalından təxminən 140 min kubmetr LNG çatdıracaq.
Qeyd edilib ki, 2014-cü ildə inşa edilmiş və Malta bayrağı ilə üzən “Cool Runner” adlı LNG tankeri vasitəsilə çatdırılacaq yük yanvar ayının əvvəlindən bu yana Klaypedada ilk böyük qaz tədarükü olacaq.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
