ABŞ GÜRCÜSTANDAN RUSİYA HƏRBİ BAZALARININ ÇIXARILMASINI MALİYYƏLƏŞDİRMƏYƏ HAZIRDIR

14.01.2004 [12:20]
Çap et
A⁺ A^-

Bunu ABŞ dövlət katibi köməkçisinin müavini Linn Pasko bildirmişdir. AZƏRTAC-ın müxbiri Tbilisidən xəbər verir ki, o, yanvarın 13-də burada jurnalistlərlə görüşündə demişdir ki, ABŞ hökuməti amerikalı hərbi təlimatçıların “Təlim və təchizat” Proqramı çərçivəsində hazırladıqları gürcü hərbçilərinin əmək haqqının ödənilməsinə 3 milyon dollar ayırmışdır. ABŞ son vaxtlar Gürcüstana 21 milyon dollar məbləğində yardım etmişdir.

O, ABŞ-ın Vaziani və Qudautadakı hərbi bazaların çıxarılmasını maliyyələşdirdiyini xatırladaraq demişdir: “Axalkalaki və Batumidəki bazaların çıxarılması müddəti barədə Gürcüstanla Rusiya arasında müvafiq razılaşma əldə olunarsa, biz onların da çıxarılmasına kömək göstərməyə hazırıq”.

L.Pasko ümidvar olduğunu söyləmişdir ki, “Rusiya 1999-cu ilin noyabrında İstanbulda keçirilmiş zirvə toplantısında götürdüyü öhdəlikləri yerinə yetirəcək və Gürcüstanla danışıqlarda öz bazalarının bu ölkədən çıxarılması müddətini müəyyən edəcəkdir”.

ABŞ GÜRCÜSTANDAN RUSİYA HƏRBİ BAZALARININ ÇIXARILMASINI MALİYYƏLƏŞDİRMƏYƏ HAZIRDIR

MÜƏLLİFLƏ ƏLAQƏ

Bölmənin digər xəbərləri