ABŞ-ın Livandakı səfirliyinin binası yaxınlığında atışma baş verib
Bakı, 5 iyun, AZƏRTAC
ABŞ-ın Livandakı səfirliyinin binası yaxınlığında yerli vaxtla səhər saat 8:34-də atışma baş verib.
AZƏRTAC “The National” saytına istinadla xəbər verir ki, Livan Silahlı Qüvvələri də atışma hadisəsini təsdiqləyib və atəş açan şəxsin Suriya vətəndaşı olduğunu bildirib.
Məlumatda qeyd olunub ki, səfirliyin təhlükəsizlik qrupunun müdaxiləsi zamanı silahlı şəxs yaralanıb. Polis qüvvələri tərəfindən saxlanılan həmin şəxs hazırda xəstəxanaya yerləşdirilib.
Səfirlik araşdırmaların davam etdiyini və Livan rəsmiləri ilə sıx əlaqədə olduqlarını bildirib.
Yerli media atışmanın təxminən yarım saat davam etdiyini, hadisədən sonra Dbayeh və Avkardan səfirliyə gedən yolların bağlandığını qeyd edib.
Bölmənin digər xəbərləri
