ABŞ-ın şərq sahillərində qasırğa 5 nəfərin həyatına son qoyub
Bakı, 3 mart, AZƏRTAC
Fevralın 2-də ABŞ-ın şərq sahillərini cənginə alan güclü qasırğa azı 5 nəfərin həyatına son qoyub.
AZƏRTAC Interfax informasiya agentliyinə istinadla xəbər verir ki, həlak olanlardan ikisi 6 və 11 yaşlarında uşaqlardır. Bədbəxt hadisələr ağacların aşması nəticəsində baş verib.
Qasırğa zamanı bəzi yerlərdə küləyin sürəti saatda 150 kilometrə çatıb. Külək sahilyanı rayonlara qar və buz yağışı gətirib. Lakin sakinlər üçün ən böyük təhlükə daşqın təhlükəsidir - bəzi küçələr hündürlüyü bir metrdən çox olan buzlu suyun altında qalıb.
Təbii fəlakət, həmçinin 2,2 milyon insanın elektriksiz qalması ilə nəticələnib. Nyu-York, Filadelfiya və Boston şəhərlərinin aeroportlarında 3 mindən çox aviareys ləğv olunub, bir o qədər reys isə təxirə salınıb. Dəmir yolu əlaqəsi də qismən dayandırılıb.
Bölmənin digər xəbərləri
