Bakı, 10 mart, AZƏRTAC

ABŞ 2024-cü ildə müdafiə xərclərini 3,2 faiz artıraraq 842 milyard dollara çatdırmaq niyyətindədir.

AZƏRTAC TASS-a istinadla xəbər verir ki, bu, növbəti maliyyə ili üçün ABŞ federal büdcəsi layihəsində nəzərdə tutulub.

Sənədə əsasən, 2024-cü maliyyə ilində müdafiə ehtiyacları üçün 842 milyard dollar ayrılması təklif edilir.

“Bu, 2023-cü illə müqayisədə 26 milyard dollar və ya 3,2 faiz çoxdur”, - deyə büdcə layihəsində qeyd olunur.

Sənəddə nüvə arsenalının modernləşdirilməsinə 37,7 milyard dolların ayrılması da öz əksini tapıb.