ABŞ MÜTƏXƏSSİSLƏRİ ODDA YANMAYAN KAĞIZ HAZIRLAMIŞLAR
Yeni materialdan divar kağızından tutmuş avtomagistrallar boyunca düzülən reklam lövhələri istehsalınadək müxtəlif məqsədlərlə istifadə etmək olar.
Kağızın çoxu sellüloz lifindən hazırlandığı halda, yeni materialın əsasını titan dioksidi nanonitləri təşkil edir. Belə kağızın hazırlanması çox sadə prosesdir, o, zəhərli deyil və ucuzdur.
Nanonitləri əldə etmək üçün tədqiqatçılar əvvəlcə tozşəkilli titan dioksidini qələvi ilə qarışdırmış və kütləni teflon konteynerə qoymuşlar. Bundan sonra onu Selsi ilə 150-200 dərəcə temperaturda sobada 1-2 gün ərzində qızdırmışlar.
Kağız quruyandan sonra onu əymək, qayçı ilə kəsmək və müxtəlif formaya salmaq olar. Yeni material 700 dərəcəyədək temperatura davam gətirə bilər.
Bölmənin digər xəbərləri
