ABŞ sanksiya tətbiq etdiyi İranın fiziki və hüquqi şəxslərinin siyahısını genişləndirib
Bakı, 9 mart, AZƏRTAC
ABŞ insan hüquqlarını kobudcasına pozduğuna görə İrana qarşı tətbiq etdiyi sanksiya siyahısına yeni adlar əlavə edib.
AZƏRTAC ABŞ-nin Maliyyə Nazirliyinin saytına istinadla xəbər verir ki, martın 9-da rəsmi Vaşinqton İranın 8 fiziki və 3 hüquqi şəxsinin adını sanksiyalar siyahısına daxil edib. İranın məhkəmə hakimiyyəti və digər hüquq-mühafizə orqanlarının təmsilçilərinə qarşı sanksiya İranda baş verən kütləvi aksiya iştirakçılarına qarşı qəddar davranışlarına görə tətbiq olunub.
Adı sanksiyalar siyahısına düşən şəxslərə ABŞ ərazisinə daxil olmaları qadağan edilib və onların Birləşmiş Ştatların banklarındakı maliyyə aktivləri dondurulub.
Bölmənin digər xəbərləri
