ABŞ VƏ HİNDİSTAN NÜVƏ ENERGETİKASINA DAİR MÜQAVİLƏ BAĞLAMIŞLAR
Müqavilənin şərtlərinə görə, ABŞ Hindistana nüvə yanacağı və texnologiyaları göndərəcəkdir.
Müqavilə Hindistanın atom layihəsi barədə Vaşinqtonun əvvəlki siyasətini köklü surətdə dəyişdirir. Hələ 1998-ci ildə, Hindistan atom sınaqları keçirdikdən sonra ABŞ Hindistana qarşı qadağalar tətbiq etmişdir.
Buşun fikrincə, Vaşinqton ilə Dehli arasında yeni münasibətlər həm hind, həm də Amerika xalqının xeyrinə olacaqdır. Hindistan öz energetikasını inkişaf etdirmək imkanı qazanacaq, karbohidrogen yanacağı istehlakını azalda biləcəkdir.
Bi-Bi-Si Nyus telekanalının xəbərinə görə, Çin bu müqavilənin bağlanmasına dərhal öz münasibətini bildirmişdir. Pekin hesab edir ki, Hindistan ilə ABŞ arasında əməkdaşlıq nüvə silahının yayılmamasına dair beynəlxalq rejimdə nəzərdə tutulan şərtlər çərçivəsində həyata keçirilməlidir.
Bölmənin digər xəbərləri
