Abşeron Olimpiya Kompleksində uşu üzrə IV Azərbaycan çempionatı keçiriləcək
Bakı, 7 fevral, AZƏRTAC
Fevralın 22-24-də Abşeron Olimpiya Kompleksində ənənəvi uşu üzrə IV Azərbaycan çempionatı keçiriləcək. Gənclər və İdman Nazirliyinin, Azərbaycan Uşu Federasiyasının birgə təşkilatçılığı ilə keçiriləcək turnirdə böyüklərin yarışında 300 idmançı iştirak edəcək.
Federasiyadan AZƏRTAC-a bildiriblər ki, ənənəvi çempionat uşunun çinda, vinçun, tuyşou növləri üzrə təşkil olunacaq. Bu çempionat böyüklər arasında tuyşou üzrə birinci dəfə keçirilir.
Yarışın açılışı fevralın 23-də olacaq. Ayın 24-də isə final görüşləri baş tutacaq.
Bölmənin digər xəbərləri
